Weihnachte sexunferzisch (1946)

Glisch nach´m Krisch im 46er Jahr

Gab´s nix zu Esse – des iss wahr.

Da war des ja schon allerhand

wennde mit´m Bauer warst verwandt.

Net zu verachten war da aa,

en Onkel in Ameriga

Wer des net was der is jetz´ still,

weil isch mei Geschicht erzähle will.

Am Heilische Abend – isch schrei hurra,

kimmt´s Päcksche aus Ameriga.

Von unserer liebe Dande Rose,

gefillt mit lauder scheene Dose.

Ich reiß es uff  un  reck moin Hals,

denn obbedruff gleisch drei Pund Schmalz.

A Kilo Bohnekaffee – schau,

A groß Dos´- foll mit Kakau,

un  nebedraa – die gute seel´,

A Bix, foll mit Oliveeel.

A gans groß Dos mit Reis,

zwa Kilo Mehrl – wie schnee so weiß.

Des alles schrieb die Dande rose,

höchst eischenhändisch uff die Dose.

Blos von der weißblesch Dose – unne,

da war der Uffkleber verschwunne.

Was kann jetz in der Dos´wohl sei,

steck´ halt emohl die Nas´ennei.

Isch hab´s probiert – gleisch a parmaal,

des Pulver war gschmacksneutraal.

Es war net sauer, war net sieß,

hat geschmeckt wie eingeschlafne Fieß.

So hammer uns de Kopp zerbroche,

was kann mer aus dem Pulver koche ?

Die Fraa maant´s könnt was Guudes sei,

da koche mer uns jetz amal en Brei,

un haut korz druff mit Milsch un Ei,

des Pulver in die Pann enei.

Befolscht den Rad von de Oma,

in gibt dezu a Zimtaroma.

So eigebrannt un mit ner Zwiwwel,

hat´s gut geschmscht, war garnet iwwel.

Un dann, es war so drei Daach druff,

klärt mit´m Brief sich alles uff.

Schlud drah – s´íssen schwach Trost,

warn nur die Schlamber von de Post.

Die Dande Rose schrieb: „Ihr Lieben

isch  schick´eusch a Bageht von drüben,

voll mit lauder guude Sache,

isch hoff´das se eusch Freude mache.

Was Ihr leider noch nett wisst,

das Ongel Schorsch verstorwe ist.

Mit seine üver 80 Jahr,

er immer treuer Hesse war.

Sein letzde Wunsch will isch verkünde,

er wollt in Fankfort Ruhe finde.

Drum se es wie sei,

setzt´n im Südfriedhof bei.

Die Asch´is in der Weißbleschdose,

in stiller Trauer Dande Rose.“.

Da hammer – isch wers nie vergesse

An Weihnachde de Schorsch gefresse.